മലപ്പുറം : സമൂഹ മാധ്യമങ്ങളിലൂടെ പരിചയപ്പെട്ട പെണ്‍കുട്ടികളെ ലൈംഗിക ചൂഷണത്തിനിരയാക്കുന്ന സംഘത്തെ തിരൂരങ്ങാടി പൊലീസ് പിടികൂടി. കാസര്‍കോട് കാഞ്ഞങ്ങാട് രാവണേശ്വരം മുനിയംകോട് വീട്ടില്‍ മുഹമ്മദ് ഷാഹിദ് (20), കാഞ്ഞങ്ങാട് ചിത്താരി കൂളിക്കാട് വീട്ടില്‍ എം.കെ. അബുതാഹിര്‍ (19), കാഞ്ഞങ്ങാട് ആവിയില്‍ മണവാട്ടി വീട്ടില്‍ മുഹമ്മദ്‌ നിയാസ് (22) എന്നിവരെയാണ് മമ്പുറത്തുവെച്ച്‌ കാറില്‍ 17കാരിയോടൊപ്പം തിരൂരങ്ങാടി പൊലീസ് അറസ്റ്റ് ചെയ്തത്. തിങ്കളാഴ്ച രാവിലെ ഇവര്‍ വണ്‍വേ തെറ്റിച്ച്‌ പൊലീസിന് മുന്നില്‍ പെടുകയായിരുന്നു.

നാ​ട്ടി​ല്‍ മൊ​ബൈ​ല്‍ ഷോ​പ്പു​ക​ളി​ല്‍ ജോ​ലി ചെ​യ്യു​ക​യാ​ണ് യു​വാ​ക്ക​ള്‍.

ഇന്‍സ്റ്റഗ്രാം വഴി പരിചയപ്പെട്ട മുഹമ്മദ് നിയാസും പെണ്‍കുട്ടിയും പ്രണയത്തിലാണെന്നും ചെമ്മാട് വാടകക്കെടുത്ത മുറിയിലേക്ക് പോവുകയായിരുന്നെന്നും കൂടെയുള്ളവര്‍ നിയാസിന്റെ സുഹൃത്തുക്കളാണെന്നും പൊലീസ് പറഞ്ഞു. ഓണ്‍ലൈന്‍ ക്ലാസിനായി ഫോണ്‍ ഉപയോഗിക്കുമ്ബോഴാണ് പെണ്‍കുട്ടി നിയാസുമായി ബന്ധപ്പെടാറുള്ളത്. പെണ്‍കുട്ടി കൂട്ടുകാരിയുടെ വീട്ടിലേക്കെന്ന് പറഞ്ഞാണ് വീട്ടില്‍നിന്ന് ഇറങ്ങിയത്.

ഷാ​ഹി​ദി​ന് ച​മ്ര​വ​ട്ടം സ്വ​ദേ​ശി​നി​യാ​യ പെ​ണ്‍​കു​ട്ടി​യു​മാ​യി ഷെ​യ​ര്‍ ചാ​റ്റി​ലൂ​ടെ​യും അ​ബൂ താ​ഹി​റി​ന് ഈ​ശ്വ​ര​മം​ഗ​ലം സ്വ​ദേ​ശി​നി​യാ​യ പ്ല​സ്​ ടു ​വി​ദ്യാ​ര്‍​ഥി​നി​യു​മാ​യി ഇ​ന്‍​സ്​​റ്റ​ഗ്രാ​മി​ലൂ​ടെ​യും ബ​ന്ധ​മു​ള്ള​താ​യി പൊ​ലീ​സ് പ​റ​ഞ്ഞു. പ്ര​തി​ക​ളെ കോ​ട​തി റി​മാ​ന്‍​ഡ്​ ചെ​യ്തു.