തിരുവനന്തപുരം : കഴക്കൂട്ടത്ത് പ്രായപൂര്‍ത്തിയാകാത്ത പെണ്‍കുട്ടിയെ പീഡിപ്പിച്ച്‌ ഗര്‍ഭിണിയാക്കിയ സംഭവത്തില്‍ യുവാവ് അറസ്റ്റില്‍. തിരുവനന്തപുരം മുട്ടത്തറ സ്വദേശിയായ അഖിനേഷ് അശോക് എന്ന 21 കാരനെയാണ് പോലീസ് അറസ്റ്റ് ചെയ്തത്.

ചാരിറ്റി പ്രവര്‍ത്തനത്തിന്റെ പേരില്‍ ഇന്‍സ്റ്റഗ്രാമിലൂടെയാണ് ഇയാള്‍ പരാതിക്കാരിയായ പതിനാറുകാരിയുമായി പ്രതി പരിചയപ്പെട്ടത്. 2020 സെപ്റ്റംപര്‍ മുതല്‍ പലപ്രാവശ്യം ഇയാള്‍ പെണ്‍കുട്ടിയെ ലൈംഗികമായി പീഡിപ്പിക്കുകയായിരുന്നു എന്നാണു റിപ്പോര്‍ട്ട്.

രണ്ട് ദിവസം മുന്‍പാണ് കഴക്കൂട്ടം പോലീസിന് പരാതി ലഭിക്കുന്നത്. തുടര്‍ന്ന് നടത്തിയ അന്വേഷണത്തില്‍ ഇരുപത്തിയൊന്നുകാരനായ പ്രതി വിവാഹിതനാണെന്നും പോലീസ് കണ്ടെത്തി

ആറ് മാസം ഗര്‍ഭിണിയായ പെണ്‍കുട്ടിയെ നിലവില്‍ അഭയകേന്ദ്രത്തില്‍ താമസിപ്പിച്ചിരിക്കുകയാണ്.പെണ്‍കുട്ടിയും അമ്മയും രണ്ടാനച്ഛനും അമ്മൂമ്മയും ഒരുമിച്ചായിരുന്നു താമസം. എന്നാല്‍ അമ്മ ഇവരെ ഉപേക്ഷിച്ച്‌ പോയി. പിന്നീട് അമ്മൂമ്മയോടൊപ്പം താമസിക്കുന്നതിനിടെയാണ് പെണ്‍കുട്ടി പീഡനത്തിന് ഇരയായത്.